(سورۃ آل عمران: آیت 159)







کہتے ہیں بعض سال تاریخ میں صرف کیلنڈر بدلنے کے لیے نہیں آتے، بلکہ وہ قوموں کی تقدیر بدل دیتے ہیں۔ انیس سو اناسی ایسا سال تھا، جس نے مشرقِ وسطیٰ سے لے کر ایشیا تک زمین ہلا دی، تخت الٹے، جنگیں چھڑیں اور کئی چنگاریاں سلگیں جو آج بھی دہائیوں بعد شعلوں کی صورت میں روشن ہیں۔

اسی سال ایران میں بادشاہت ختم ہوئی، مصر نے اسرائیل کو تسلیم کیا، افغانستان پر سوویت یونین نے لشکر کشی کی، پاکستان میں مذہبی شدت پسندی نے جڑیں پکڑیں، اور چین نے اپنی معیشت دنیا کے لیے کھول دی۔ یہ سب ایک ہی سال میں ہوا اور آج بھی ان کے اثرات ہماری سیاست، معیشت اور سلامتی پر چھائے ہوئے ہیں۔

فروری میں آیت اللہ خمینی کی قیادت میں ایران میں انقلاب آیا، بادشاہت کا تختہ الٹ گیا اور ایک اسلامی نظریاتی ریاست ابھری۔ آج بھی وہ فیصلے اپنی قیمت انسانی جانوں اور سیاسی بحران کی صورت میں چکا رہے ہیں۔

مصر: امن اور مفاد
مارچ میں مصر نے اسرائیل کو تسلیم کیا، اپنا مقبوضہ علاقہ واپس لیا اور عالمی سطح پر امن پسند کے طور پر سامنے آیا۔ فلسطینیوں اور عرب اتحاد پر اس کے منفی اثرات آج بھی محسوس کیے جاتے ہیں۔

افغانستان: سوویت یونین کا چیلنج
دسمبر میں سوویت یونین کی افواج افغانستان میں داخل ہوئیں۔ یہ جنگ دس سال تک جاری رہی اور افغان عوام، پاکستان اور مغربی طاقتوں پر گہرے اثرات چھوڑ گئی۔ سوویت یونین کو نقصان ہوا، جبکہ انسانی جانوں اور وسائل کا بحران آج بھی جاری ہے

پاکستان: اسلام کے نام پر تبدیلی
اسی سال جنرل ضیاء الحق نے اسلام کے نام پر قوانین نافذ کیے، مدارس کا جال بچھایا اور افغان جہاد میں شمولیت نے پاکستان کی مذہبی اور سیاسی شناخت بدل دی۔ حکومت اور شدت پسند گروپوں کو طاقت ملی، جبکہ عوام انتہاپسندی اور فرقہ واریت کے مسائل میں الجھ گئے۔

چین: مشورے کی برکت
چین نے اپنی معیشت دنیا کے لیے کھول دی اور یہ فیصلہ مشورے کی برکت سے کامیاب ہوا۔ حکمران کمیونسٹ پارٹی کی شورائی مجلس میں چار سو پچاس، اور حکومت کے مشاورتی شورائی ادارے میں دو ہزار چھ سو ممبران شامل ہیں۔ فیصلے غور و فکر اور مشورے کے بعد نافذ کیے گئے، جس سے پالیسی سازی مضبوط اور مربوط ہوئی اور چین آج دنیا کی بڑی اقتصادی طاقتوں میں شامل ہے۔

قرآن: سب کے لیے کھلی ہدایت
قرآن ، نہ صرف مسلمانوں کے لیے بلکہ ہر انسان اور ہر معاشرے کے لیے رہنمائی کا منبع ہے،۔ مشورہ کرنے اور دانشمندانہ فیصلے کرنے کی تاکید کرتا ہے
"اور اپنے امور میں آپس میں مشورہ کرو…" (سورۃ آل عمران: ایک سو انناسٹھ)

جو قرآن کی ہدایت پر عمل کرتا ہے، وہ سرخرو ہوتا ہے۔ جو من مرضی اور بغیر مشورے فیصلے کرتا ہے، اسے انسانی جانوں یا معاشی نقصان کی صورت میں قیمت چکانی پڑتی ہے۔ ایران، افغانستان، پاکستان اور دیگر جگہوں کے حالات آج بھی اس کی مثال ہیں۔

چین کا فیصلہ مشورے اور دانشمندانہ غور و فکر کی برکت سے کامیاب ہوا، جبکہ قرآن کی ہدایت کی نافرمانی کرنے والوں کو آج بھی اس کی قیمت چکانی پڑ رہی ہے۔ یہ سبق واضح کرتا ہے کہ دانشمندانہ مشورہ اور ہدایت کی پیروی ہی فرد اور قوم کو سرخرو کر سکتی ہے۔

تبصرے

ایک تبصرہ شائع کریں

اس بلاگ سے مقبول پوسٹس

خسارۂ ذات

تصویر
خسارۂ ذات دنیا کا ہر انسان اپنی زندگی کے کسی نہ کسی مرحلے میں نفع اور نقصان کے تجربے سے گزرتا ہے۔ لیکن سب سے بڑا نقصان وہ نہیں جو جیب سے ہوتا ہے، بلکہ وہ ہے جو انسان کے وجود کے اندر ہوتا ہے جسے قرآن کی زبان میں “خسارہ” کہا گیا ہے۔ یہ خسارۂ ذات ہے، جب انسان اپنی سچائی، اپنی روحانیت، اپنے ضمیر اور اپنی انسانیت سے دور جا پڑتا ہے۔ ایک مزدور اگر دن بھر پسینہ بہائے اور شام کو اجرت نہ پائے، تو یہ اس کے وجود کا خسارہ ہے۔ ایک ملازم پورا سال محنت کرے مگر ترقی کی فہرست میں اس کا نام نہ ہو، تو یہ اس کے حوصلے کا نقصان ہے۔ ایک طالب علم سارا سال محنت کرے اور امتحان میں ناکام ہو جائے، تو یہ اس کی ذات کا زیاں ہے۔ ایک سرمایہ کار اپنی عقل کے مطابق سرمایہ لگائے اور بازار میں حصص گر جائیں، تو یہ اس کے اعتماد کا خسارہ ہے۔ لیکن ان سب سے بڑھ کر وہ لمحہ خطرناک ہے جب انسان اپنے ضمیر سے بے وفائی کرتا ہے۔ جب وہ جھوٹ بولتا ہے، وعدہ توڑتا ہے، یا حق جانتے ہوئے خاموش رہتا ہے - تب وہ اپنی ذات کی بنیاد کھو دیتا ہے۔ یہی اندرونی زوال خسارۂ ذات کہلاتا ہے۔ قرآن کا فلسفۂ خسارہ قرآن مجید انسان کے اس نقصان کو یوں بیان کر...
مزید پڑھیں

غلام سے نجات ولوانے کا صلہ

تصویر
  سورہ البلد ایت 13 بسم اللہ الرحمٰن الرحیم انسانی تاریخ کے ماتھے پر غلامی وہ بدنما داغ ہے، جو ہزاروں سال بعد بھی پوری طرح مٹا نہیں۔ مصر کی تہذیب ہو یا روم کی سلطنت، یونان کی دانش گاہیں ہوں یا عرب کی ریتلی بستیوں کا معاشرہ — ہر جگہ انسان نے انسان کو زنجیروں میں جکڑا، بازاروں میں بیچا، اور طاقتور کے رحم و کرم پر چھوڑ دیا۔ ایسے تاریک دور میں قرآن مجید نے وہ جملہ اتارا، جس نے غلامی کو ختم کرنے کی بنیاد رکھی۔ "فَكُّ رَقَبَةٍ" (گردن چھڑانا، غلام کو آزاد کرنا) یہ محض نیکی کا بیان نہیں تھا، بلکہ سماجی انقلاب کا آغاز تھا۔ نبی کریم ﷺ نے نہ صرف غلاموں کو آزادی کی تلقین کی، بلکہ ان کے ساتھ برابری اور عزت کا عملی نمونہ پیش کیا۔ اسلام کی تدریجی حکمت عملی نے آہستہ آہستہ غلامی کی بنیادیں ہلا دیں۔ اسلام کے صدیوں بعد مغرب نے بھی غلامی کی تباہ کاریوں کو تسلیم کیا: اٹھارہ سو سات: برطانیہ نے غلاموں کی تجارت پر پابندی لگائی اٹھارہ سو تینتیس: برطانیہ میں غلامی کا قانونی خاتمہ اٹھارہ سو تریسٹھ: امریکہ میں Emancipation Proclamation اٹھارہ سو پینسٹھ: تیرہویں آئینی ترمیم کے ذریعے امریکہ میں غلامی کا ا...
مزید پڑھیں

صرف یہود نہیں، ہم بھی

تصویر
  صرف یہود نہیں، ہم بھی  اکثر ہم یہود و نصاریٰ کی مذہبی قیادت پر تنقید کرتے ہیں کہ وہ دین کے نام پر عوام کا مال کھاتے ہیں، ان کی سادگی اور عقیدت کا فائدہ اٹھاتے ہیں اور دنیا کی آسائشیں سمیٹتے ہیں۔ بلاشبہ یہ حقیقت ہے، لیکن کیا ہم نے کبھی اپنے گریبان میں جھانکا ہے؟ یاد رکھیں، صرف یہود و نصاریٰ ہی اہلِ کتاب نہیں، مسلمان بھی اہلِ کتاب ہیں۔ بدقسمتی سے مسلمانوں میں بھی وہی بیماری سرایت کر چکی ہے جس کی نشان دہی قرآن نے کی تھی۔ آج ہمارے اپنے علما، شیخ، پیر، مبلغ اور دینی رہنما دین کی خدمت اور تبلیغ کے نام پر چندہ، زیور، عطیات اور تحائف اکٹھے کرتے ہیں۔ ان میں سے کئی لوگ وہ دولت بیرونِ ملک جائیدادیں خریدنے اور اہل و عیال سمیت وہاں مستقل منتقل ہونے پر خرچ کرتے ہیں، پھر بڑے فخر سے خود کو "بین الاقوامی مبلغ" قرار دیتے ہیں۔ یہی نہیں، ان کے بچے مہنگی یونیورسٹیوں میں تعلیم حاصل کرتے ہیں، خود قیمتی لباس اور اعلیٰ طرزِ زندگی اختیار کرتے ہیں، جبکہ پیروکاروں کو کفایت شعاری، قناعت اور مالی قربانی کا درس دیتے ہیں۔ ان کے اپنے لیے دنیا، اور عوام کے لیے دین — یہی ان کا اصول بن چکا ہے۔ یہ کھلی منافقت ...
مزید پڑھیں